Plantun de Prouvènço

Pèr coumpara dos planto d'encò nostre

Galium boreale & Arundo donax

Galium boreale

Rubiaceae

Nom en français : Gaillet boréal.

Descripcioun :
La reboulo-bourealo trachis en coulounìo (que fai de fiéu -estouloun-) dins li prado umido de mountagno. Coume es un pau mai grando que lis àutri planto, se vèi pulèu eisa. Li flour, óudouranto, fan un brout pulèu sarra. Fai peréu proun de ramo courteto sus uno cambo bèn drecho. Se recounèis à si fueio verticillado pèr 4, en long e en lanço, e subretout emé si tres costo.

Usanço :
Es uno planto diuretico (fai pissa). Emé li racino se fai uno tenchuro roujo.

Port : Erbo
Taio : 20 à 50 cm
Fueio : Verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) enflourejado : 0,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Prado umido - Palun - Ribiero
Estànci : Subremediterran à Subaupen
Couroulougi : Bourealo
Ref. sc. : Galium boreale L., 1753

Cano

Arundo donax

Poaceae Graminaceae

Autre noum : Canié.

Noms en français : Canne de Provence, Roseau à quenouilles.

Descripcioun :
La cano que ié dison "de Prouvènço" es uno plano bèn couneigudo emé si grando e gròssi tijo lignouso d'enviroun 3,5 cm de diamètre, si long rizoumo espès e si fueio verdalo de 2 à 5 cm de larg.

Usanço :
La cano que nous vèn dóu cèntre de l'Asìo, fuguè proun plantado pèr proutegi li culturo dóu mistral. Nòstis àvi se n'en servien pèr gaubeja mant'uno besougno : pèr eisèmple pèr apara li det dóu tai dóu voulame (li dedau) o enca pèr acroucha lou calèu (la moco). Lou rizoumo èi manjadis (li fueio peréu, mai soun proun amaro) cue (rousti o bouli) o adouba en farino pièi mesclado à d'autro. Emai èro pas gaire emplegado coume planto vertuouso, aro d'ùni prouprieta soun estado troubado coume dins la dessensibilisacioun pèr l'alergìo.